АНТОНИА ГИГОВСКА: Народот го смени погрешното мислење што го имаше за мене

Антониа Гиговска, девојчето кое го гледавме на ,,Пинкови ѕвездички’’ порасна во вистинска убавица која денес има агенда полна со настапи ширум државата.

Гиговска е девојка која има со што да се пофали и кога станува збор за талентот за пеење и кога станува збор за физичкиот изглед. Таа на социјалните мрежи секојдневно објавува нови фотографии, со необичен и шок стајлинг, а на секоја од нив зрачи со убавина и уникатност во се што прави.

Младата и талентирана пејачка ги изненади своите фанови кога објави дека ослабе дури 25 килограми и сега изгледа подобро од било кога.

Гиговска откри дека ослабела со многу упорност, вежбање, и со промена на начинот на исхрана, а големо влијание на нејзината промена имала и нутриционистот Клаудија Адеми, која им помогна на многу ѕвезди да ослабата, меѓу кои и Ана Бекута и Инди.

Фото/Принтскрин

Во последното интервју за Бекстејџ после нејзиниот настапо во познатата скопска дискотека Гиговска вели дека конечно народот го сменил погрешното мислење за неа.

,,Се радувам што конечно народот го смени погрешното мислење за мене. Тоа се приметува и кога се движам по улица…ха ха ха’’, кажа тогаш Антониа.

Таа периодов беше актуелна во јавноста после раскинувањето на врската со вокалот на групата Либеро бенд, Иван Јованов, со кого пејачката живееше заедно подолго време.

После раскинувањето, Антонија за Бекстејџ сподели дека сепак останале во добри односи со Иван, а на тоа даде реплика и поранешното момче, ,,Секој по својот пат, ќе останеме пријатели, се следиме и на Инстаграм’’, кажа Иван за Бекстејџ.

Фото/Принтскрин

Фото/Принтскрин

Прашана за тоа дали до неа допираат хејт коментарите  на социјалните мрежи за Женски магазин, Гиговска одговори:

Ух… па дефинитивно најмногу ме повредува лош коментар за моето семејство. Сè друго е прифатливо и навика со оглед на тоа што јавните личности се подложни на секакви коментари. Ме погодува тоа што некој некогаш т.е најчесто се дрзнува да искоментира мој карактер и тоа каква сум јас приватно, а не ме познава, меѓутоа не можам да спречам нечие мислење. Секој го има правото на мислење, но не е секој така како што изгледа, јас имам свој гард, но сум личност што страшно многу брзо се приврзува, така што сакам да сум меѓу луѓе, стравот да сум сама ме убива.

Гиговска музичката кариера ја започна во шоуто ,,Пинкови ѕвездички’’, каде го освои жирито со својот специфичен глас и вокални способности. Стручното жири имаше само пофални зборови за неа.

Антониа за првпат на сцена застана на 14 години.