Прегрнати далеку од Белград: Душко е фотографиран за прв пат во Турција откако објави дека се разведува! (Фото)

Многумина поверуваа на приказната дека фудбалерот Душко Тошиќ бил рамнодушен кон разводот со Јелена Карлеуша, а сето тоа поради неговото воздржано однесување и избегнување јавни изјави.

Дека вистината е нешто поинаква ќе посведочат оние кои добро го познаваат спортистот и се запознаени со неговите навики, поточно дека Душко не се издвојува многу од оние на кои личен пораз им е болен како оној на теренот.

Разводот од Јелена по 14 години брак, всушност многу го потресе поранешниот дефанзивен лев бек, кој оттогаш многу ги корегира навиките.

Тоа што не успеал да го спаси бракот и заедницата во која ќе пораснат неговите ќерки Атина и Ника, наводно е страшно разочарувачки за Душко, па затоа утехата со месеци ја бара во вечерните излегувања и патувања.

Душко неодамна се обиде да ја избрка тагата и неописливата болка од разводот со заминување во Истанбул, град кој му остана омилен и по пензионирањето.

Тој се најде со пријателите во ложата на стадионот на ФК Бешикташ од каде го следеше актуелниот натпревар, а бидејќи таму со новата сопруга беше и поранешниот сопруг на пејачката Емина Јаховиќ, Мустафа Сандал, ја искористи приликата да разговара и со него.

Средбата на двајцата шармери ги заинтригира сите оние кои ја следат естрадата, а природно се наметна прашањето дали Душко и Мустафа разговарале за нешто друго освен фудбалот, да речеме за бившите сопруги, пејачките или поточно за разводот што им се случи на двајцата.

Разводот на Душко Тошиќ и Јелена Карлеуша многу се одрази на фудбалерот на чие лице, според мислењето на многумина, и покрај широката насмевка се гледа голема тага.

Кружеа гласини дека се помириле!

На почетокот на јули како бомба одекна веста дека Јелена Карлеуша по 14 години се разведува од Душко Тошиќ.

Сепак, како што пренесува Стар, наводно пејачката и фудбалерот решиле да му дадат уште една шанса на бракот, а за се е виновна сестрата на Душко, Катарина. Таа постојано била во контакт со Јелена и често воделе долги разговори за се. Сестрата на Тошиќ е многу блиска и со нејзиниот брат и со снаата, па сфатила дека и двајцата избрзале со одлуката за развод, поради што ја договорила ситуацијата Душко и Јелена повторно да разговараат за се.

„Катарина го чекаше Душко да се врати од Дубаи каде што беше на одмор. Долго разговараа и таа му рече дека треба да разговара со Јелена и дека за доброто на децата треба да се обидат да ги решат несогласувањата што ги имаат. Така беше, Душко се јави кај Јелена дека ќе дојде во вилата на Дедиње да ги види децата и и рече дека би било убаво да биде дома за да ручаат сите заедно како семејство.
Атина и Ника особено се израдуваа, а како одминуваше денот, Душко и Јелена почнаа да разговараат за проблемите што ги имале во бракот. Се уште ништо не е конечно, но се договориле да направат пауза од поднесувањето документи за развод и да видат како ќе функционираат во блиска иднина“, вели извор близок до семејството Тошиќ.

„Душко сега е во Белград и се повеќе време поминува во вилата на Дедиње, која ја купија пред три години од Пикси. Засега се е во најдобар ред, нивните ќерки се најсреќни што повторно се сите заедно и сестрата на Тошиќ е исто така задоволна бидејќи е заслужна за нивната повторна средба. Душко се врати во куќата и сега спие таму“. завршува изворот.

По повод пишувањето на некои медиуми дека имало помирување меѓу Јелена Карлеуша и Душко Тошиќ, неговиот адвокат Никола Премовиќ, за српски Курир истакна дека екс-фудбалерот ги негира наводите дека се вратил во прегратките на пејачката и дека преговорите за заеднички развод се уште траат.

– Душко Тошиќ и Јелена Карлеуша се во преговори за спогодбен развод. Јас сум во контакт со Јелена и нејзините адвокати и се надеваме дека наскоро ќе се постигне мирно и спогодбено решение, пред се имајќи ги предвид интересите на нивните малолетни ќерки. Во име на мојот клиент ги демантирам сите други медиумски наводи поврзани со таа тема како невистинити – изјави Премовиќ.