Поранешниот на Северина ќе стане татко по четврти пат: Откри како ја запознал својата 29-години помлада партнерка

Поранешниот на Северина, бизнисменот Милан Поповиќ (56) има причина за славење бидејќи ќе добие четврто дете.

Партнерката на „кралот на бакарот“ Бојана (27) е бремена, а откриле и дека носи девојче. Парот е пресреќен што ќе добие бебе, а ова ќе биде нивната прва ќерка.

Ги имаат синовите Милан, кој таа го роди во 2017 година и Ѓорѓе, кој го добија во 2019 година, додека Поповиќ со поранешната девојка, пејачката Северина го има и синот Александар. Познатиот српски бизнисмен еднаш откри како ја запознал Бојана во 2015 година.

– Се запознавме двајцата во Белград. Студира маркетинг, потекнува од добро белградско семејство, многу е згодна, образована, млада, духовита, снаодлива и секогаш подготвена за шега. Со неа нема кавги и расправии, дури и кога е бремена, кога жените знаат да бидат каприциозни, изјави Поповиќ.

Како што пишуваат српските медиуми, Бојана ретко може да се види во јавноста и Милан ја крие од љубопитните очи. Непознато е и нејзиното презиме.

Инаку Милан Поповиќ и популарната хрватска пејачка Северина сеуште водат битка околу старателството над синот Александар.

Во една прилика, на прашањето која е причината што тие двајца се разделиле Милан откри дека нивната врска била краткотрајна искра која се изгаснала. Тој рече дека не можел да го толерира нејзиното променливо расположение, од хистерија, преку омраза до потполна рамнодушност.

Милан посочи и дека за пејачката тој бил само финансиски проект, за истото бил подготвен да приложи и докази.

Милан во неколку наврати посочи дека одамна нема нормална комуникација со Северина, и не разговара ниту за детето, бидејќи таа била тврдоглава и не прифаќала туѓо мислење, за неа постоело само нејзиното.

Поповиќ исткна дека во повеќе наврати се обидел на цивилизиран начин да разговара со пејачкта за да најдат заедничко решение кое е најдобро за нивниот син, но дека тоа никогаш не е било возможно.

Дури и вели дека забележил дека чудно се однесува па се сомнева дека пие некои апчиња за смирување. Милан бил подготвен да и помогне, но таа тоа го одбила.

– Мојот предлог секогаш бил, Северина работи ја својата работа, јас имам многу време на овој свет, пушти го синот да биде кај мене.

Мајката мора да го води детето, тоа се е приказна за медиуми, дека таа е грижлива мајка и дека јас на неа и се светам.

Се уште таа зборува за тоа, се уште зборува за инает и љубомора. За мене таа емотивна врска престана по шест месеци.

Три месеци имавме врска, другите три поминаа во несогласување. Со такви менувања на расположение кои можеби се поврзани со некоја зависност од нешто.

Повеќе не сум сигурен, кога барав да се тестираме на дрога за да имаме доверба еден во друг, таа одби, изби расправија, како тоа од неа смеам да го побарам, па подоцна разговарајќи со експертите сфатив дека тоа е главната причина на тие променливи расположенија, со кои не сакав да се носам, откри Поповиќ.