Убавата Ранија на погребот на кралицата Елизабета облече фустан од омилената дизајнерка на Кејт Мидлтон

На вчерашниот погреб на кралицата Елизабета Втора присуствуваше и јорданската кралска двојка, која по кратката посета на Франција се упати кон Велика Британија.

Пред погребот на кралицата Елизабета, кралот Чарлс Трети оваа недела организираше прием за шефови на држави и официјални гости од странство во Бакингемската палата, каде јорданската кралица Ранија пристигна во друштво на кралот Абдула Втори.

Една од најубавите и според многумина најдобро облечени дами од кралскиот двор, како и многу дами, на свечениот прием во Бакингемската палата се појави облечена во црно од глава до пети, придржувајќи се до пропишаниот кодекс на облекување.

Изборот на јорданската кралица падна на елегантен модел на фустан со потпис на британската дизајнерка Алесандра Рич, а со тоа што реши да го носи, кралицата Ранија суптилно им оддаде почит на домаќините.

Префинетите креации на Алесандра Рич, имаат лојални следбеници меѓу познатите љубители на модата вклучувајќи ја британската омилена и нова принцеза од Велс, Кејт Мидлтон.

Споменатиот фустан, со горен дел кој во дизајнот наликува на смокинг, убавата кралица го надополни со црни чевли со шпиц и мала чанта со вкрстена тока, која како и чевлите ја потпишува познатиот дизајнер Маноло Бланик.

Пред погребот на кралицата Елизабета Втора, Ранија даде телевизиско интервју во кое се осврна на владеењето на кралицата Елизабета Втора. За таа пригода, таа избра дводелен комплет составен од едноставни панталони до глужд и прекрасно сако со предни џебови со потписот на брендот Rasario. Таа го надополни овој изглед со сандали од Џенифер Шаманди.

Да потсетиме, кралицата Ранија која според многумина е една од најелегантните дами од кралскиот двор, веќе 20 години е со нејзиниот сопруг, кралот Абдула II, на престолот на арапската држава Јордан.

Оваа убава кралица, освен по својот префинет моден стил, исто така е познат и како силен поддржувач на еманципацијата на жените во арапскиот свет, и на сето тоа, таа постојано се залага и за потребата од поголема вклученост на жените во образовниот процес. Таа за ова зборуваше и во своето големо интервју што го даде за арапскиот Harper’s Bazaar.

„Мислам дека е најважно од се е да бидете автентични, да се живее во склад со верувањата и да се биде искрен, особено денес, кога во јавноста доминира омразата, нетрпеливоста, гневот, лутината и стравот.

Ова исто така важи за луѓе кои се на влијателни позиции“ – рече убава кралица.

Што се однесува до нејзиниот стил со кој и за западњаците важи за симбол на модерната арапска жена, таа вели:

„Секогаш избирам облека во склад со мојата функција. Не ги следам трендовите, туку секогаш го избирам она во што се чувствувам најдобро. Најдобро се чувствувам во едноставна облека, тоа најдобро ме опишува. Се разбира, секогаш ќе има коментари на сметка на модниот израз, но претпочитам да зборувам за мојата работа. Кога сте јавна личност, тоа на некој начин ви влегува и во описот на работното место“.