Скарлет Јохансон и нејзиниот трет сопруг го очекуваат нивното првото дете!

Познатата холивудска актерка, препознатлива по филмовите, Ghost World, Lost In Translation и Girl With A Pearl Earring кои го направија отскокот на нејзината кариера откако реши повторно да си ја проба среќата и по трет пат да облече венчаница сега има голема прична за славење.

Имено Скарлет Јохансон и нејзиниот сопруг Колин Јост наводно го очекуваат своето прво заедничко дете.

Актерката од Црната вдовица, која веќе е мајка на шестгодишната ќерка Роуз од претходниот брак со поранешниот сопруг Ромен Дауриак, како што пишуваат странските медиуми е бремена, а бебето ќе дојде „наскоро“.

Извор за Page Six изјави дека 36-годишната Скарлет “е бремена, но веста ја држеше настрана од јавноста. Таа реши да не се појавува многу во јавноста и да ја држи својата бременост во тајност.

Друг извор изјавил дека Скарлет и Колин кои тајно се венчаа во октомври 2020 година, откако првпат започнаа да се забавуваат во 2017 година, се „воодушевени“ од веста.

Прво почнаа да се вртат гласини дека глумицата номинирана за Оскар е бремена во јуни, откако беше забележано дека не прави многу промотивни настапи за нејзиниот нов филм.

Изворот додаде: „Таа не правела многу интервјуа или настани за промовирање на Црната вдовица, што е изненадувачки бидејќи станува збор за огромно издание на Марвел / Дизни, а таа е ѕвезда и извршен продуцент“.

Скарлет правеше само промотивни настапи за Црна вдовица од далечина преку Зум.

Единственото неодамнешно интервју на Скарлет во емисијата The Tonight Show Starring на Џими Фалон беше минатиот месец но актерката беше снимана од височина.

Суперѕвездата и нејзиниот сопруг Колин ја крунисаа својата љубов со брак во октомври минатата година.
Имено актерката која во неколку наврати беше избрана за најсекси и најубава жена, зад себе има два брака кои завршија неуспешно.

Ова е нејзин трет брак. Претходно беше во брак со францускиот новинар три години до 2017 година, а пред тоа беше во брак три години со актерот Рајан Рејнолдс.

Ова ќе биде првото дете на писателот Колин.

Според гласините се чини дека актерката овој пат ја пронајде оаза на мирот во прегратките на Колин Јост но колку ќе трае бракот ќе видиме со текот на времето.