Новости
Ќе успее ли Џил Бајден да ја замени Меланија Трамп и да биде новата прва дама на САД?
Џил Бајден се повеќе ја интересира јавноста
Утре се одржуваат претседателските избори во САД, а трката е се понеизвесна. Додека едни мислат дека Трамп ќе го продолжи мандатот, други велат дека на претседателската трка ќе победи поранешниот американски потпретседател Џо Бајден.
Во последно време Бајден ги освои симпатиите и на многу филмски и музички ѕвезди, кој ако победи на утрешните избори ќе биде најстариот претседател во историјата на САД.
Како и за секоја јавна личност, така и за него јавноста сака да дознае нешто повеќе од приватниот живот, па како растеше неговиот успех на политичката сцена, така медиумите се повеќе фокусот го ставаат на неговиот приватен живот.
Но дали знаете која е неговата сопруга, што неуморно се бори и е најголема поддршка на Бајден.
Се зборува дека таа ќе ја симне Меланија Трамп од тронот, и ќе биде новата прва дама на Америка.
69- годишната Џил Бајден е родена во Њу Џерси. Таа е дипломиран професор по англиски јазик и предава во средно училиште. Џил е поранешен модел, но таа открила дека тоа не била нејзината професија од соништата туку морала да биде дел од тоа само за да ги плати студиите.
Г-ѓа Бајден е позната во јавноста како голем филантроп. Таа им помага на семејствата на војници и ветерани, работи на подобрување на правата и положбата на жените во африканските земји и е ангажирана во Националната фондација за борба против рак на дојка.
Таа исто така е и писател, а до сега напиша две книги за деца, и книгата „Каде влегува светлината“.
Инаку Џил зад себе има еден брак, со рагбистот Бил Стивенсон, но подоцна се развеле, бидејќи сватиле дека не се еден за друг.
Исто така и Џо Бајден бил во брак пред Џил, но во сообраќајна несреќа ја изгубил неговата сопруга и ќерка, а има и два сина Хантер и Боа.
Токму нејзината кариера како модел ја однела до вториот сопруг Џо Бајден, кој во 1975 година кога ја здогледал Џил на постер на автобуска станица, веднаш побарал од неговите луѓе да го најдат нејзиниот телефонски број. Романсата започнала кога таа го прифатила неговиот предлог за вечера.
Во интервју за „Вог“, Џил открива какво било чувството кога за прв пат го здогледала Бајден пред својата врата.
– До тогаш се забавував со млади момчиња кои носеа фармерки и обични маици, а тој се појави на мојата врата облечен како џентлмен, во совршено скроен капут. Кога го видов, помислив „нема шанси ова да успее“. Не помислив дека ќе успееме и поради разликата од девет години, изјави таа.
Нивната прва средба било во кино, а Џил открива дека Џо најмногу ја освоил со своите манири. Таа за списанието откри дека наместо да ја бакне, првата вечер добила само ракување од Бајден и тоа навистина и оставило впечаток за потоа да и каже на својата мајка дека запознала вистински џентлмен.
Интересно е тоа што пред да стапат во брак, Џил четири пати го одбивала Бајден, односно неговата понуда за брак.
