Ѕирнете во луксузниот дом на Ивана Селаков: Во овој детал во дневната соба гледаат сите

Кога ќе се спомене домот на пејачката Ивана Селаков, првото нешто што ви паѓа на памет е дека тоа е катче каде преовладуваат музичките детали, дека полиците се исполнети со награди и признанија и дека пијаното како омилен инструмент и средство за работа на пејачката ја има главната декоративна улога.

Токму сето тоа го сочинува семејното катче на пејачката која не крие дека модерниот имот, во последниве две години колку што трае короната, во голема мера е прилагоден на наследничката Круна.

Таа и нејзиниот избраник Предраг Пеѓа Мирковиќ го опремиле станот со мебел во светли нијанси. А дневната соба отворена кон кујната е осветлена и има пристап до терасата со спектакуларен поглед.

Кожниот мебел е првото нешто што го гледате кога ќе влезете во домот на Ивана Селаков, но и тобоган, мини шатор, мече и многу други играчки со кои си игра нејзината сакана. Малку по малку Круна ја окупираше дневната соба, а во својата соба која исто така е многу убаво стилизирана,  оди само за спиење.

Гордите родители не ја обвинуваат за тоа, особено затоа што имотот го користат и за други работи освен за семејни. Имено, Ивана и Пеѓа често работат во нивниот стан, поточно со бендот кога се подготвуваат за настапи.

Инаку пејачката Ивана Селаков повеќе од една деценија е во врска со својот партнер Пеџа Мирковиќ, со кој во 2018 година добија ќерка, на која и го дадоа името Круна.

Сепак, ретко кој знае како започна нивната љубов, а Ивана одамна раскажа како Пеџа ја освоил.

-Додека јас живеев на едниот крај од градот како потстанар, а тој на другиот, ми понуди да зготви тестенини и да ми ги донесе на мотоцикл што тој го возеше во тоа време – ја започна приказната Ивана за нивните почетоци.

– Сè се врти околу храната… На тој мотор стави паста Карбонара, извозе дваесетина километри за да ми даде храна и тоа ми беше многу импресивно. Даде се од себе – открила тогаш таа.

Интересен податок за овој пар е тоа што тие се запознале во 2008 година благодарение на социјалната мрежа Фејсбук.

За време на долгогодишната врска тие раскинаа само еднаш.

– Имавме само една пауза од еден месец. Тогаш на двајцата не ни беше гајле. Се преправавме дека сме само силни и дека бевме одлично без другиот, а всушност не беше така. Решивме да се смириме и такво нешто не ни падна на памет повторно- изјави Ивана пред неколку години.

Тие двајца функционираат како да се во брак, иако никогаш не биле во брак, а таа хартија очигледно не им треба.