Дом и семејство
Турскиот Џорџ Клуни се ожени по трет пат со 23 години помладата модна креаторка: По два пропаднати брака се уште верува во љубов
Се чини дека конечно е среќен во љубовта...
Турскиот заводник, актерот Озџан Дениз (50) се ожени со 23 години помладата Дамар Дагдар која работи како моден креатор а љубовната врска ја започнаа во 2021 година.
Деталите од венчавката ги објавија на Инстаграм а на социјалната мрежа открија и дека моментално се на меден месец во Дубаи.
View this post on Instagram
Самар на венчавката изгледаше прекрасно во раскошна венчаница, додека младоженецот носеше костум во неутрална боја.
Ѕвездата на серијата „Истамбулската невеста“ Озџан Дениз зад себе има брак со Хандан Дениз, со која беше во брак од 1991 до 2000 година.
Неговиот втор брак траеше само една година, од 2018 до 2019 година. Со втората сопруга Фејза Актан, тој доби син и се бореше за старателство над детето.
“Го гледам син ми четири пати месечно. Тоа не е доволно ниту за мене, ниту за син ми. 10 дена се немам слушнато со него. Денеска му е роденден и не можам ниту да го видам ниту да слушнам. Барам од судот да ми даде апсолутно старателство над него. Ова ми го уништува животот, не можам повеќе да го правам ова“, изјави актерот на суд.
Старателството и било доделено на мајката, но сепак зголемен е бројот на денови во кои Озјан можел да го види синот.
Покрај бројните расправии што наводно настанале заради неконтролираното трошење на пари од страна на поранешната манекенка, актерот сега тврди дека таа не ги исполнувала ни мајчинските обврски кон нивниот син Кузеј.
Но ако можеме да им веруваме на турските медиуми, ѕвездата од „Истанбулска невеста“ и неговата поранешна сопруга уште ќе се сретнуваат на судот, и тоа затоа што Фејза за времето поминато со него бара 15 милиони фунти.
Иако нивната љубов по само 15 месеци брачен живот доби епилог на суд, овие поранешни љубовници веќе подолго време се во војна.
Таа го пријави за физичко насилство и обвинителството за него бараше минимална затворска казна од шест месеци.
Фејза рече дека Озџан ја претепал неколку пати, а тој сето тоа го негираше и истакна дека тоа не е вистина. Како доказ за своите обвинувања, манекенката прикажала болнички наоди од јуни 2019 година, кои велат дека била полесно повредена.
По обвинувањата на неговата поранешна сопруга за насилство, се случи пресврт и се појавија снимки каде таа го удира Дениз и му ја кине облеката пред куќата кога тој дошол да го види синот.
Двојката се разведе по само 15 месеци брак, што ја изненади јавноста. Турските медиуми претходно објавија дека актерот ја избркал сопругата од дома затоа што не можел да ја поднесе, а минатата година поднел тужба против Фејза бидејќи не му дозволила да се види со синот.
Со својот нов брак миленикот на женската публика ги полни страниците на медиумите во Турција и странство и тој очигледно верува во љубовта, но и во институцијата брак, па решил повторно да се жени и покрај два пропаднати брака.
