Промени во бременоста кои сигурно ќе ви се допаднат!

Во бременоста не знаеме да цениме многу работи, но понатаму, кога ќе се најдеме во други животни фази, ќе се сетиме на моменти за кои ќе сфатиме дека навистина сме уживале.

Времето поминато од моментот кога ќе го видите позитивниот тест, па се’ до тогаш кога ќе им објавите на вашите блиски, е навистина посебно. Никој друг, освен вашиот партнер, не знае дека во себе ја носите најубавата и најголемата тајна.

Многу подоцна ќе сфатите колку убаво било чувството кога ќе си ја ставите раката на стомакот и само ќе се насмевнете.

Кога размислувате за симптоми или заболувања за време на бременоста, веројатно помислувате на утринска мачнина, хемороиди, болки во долниот дел на грбот и отечени нозе. Но, некои од феномените што ги носи бременоста се повеќе од позитивни.

Хормоните одговорни за безброј непријатни симптоми се одговорни и за да ја направат вашата коса погуста и посјајна во текот на бременоста, а многу идни мајки тврдат дека косата им расте побрзо отколку порано.

Повисокиот крвен притисок и зголеменото ниво на хормони, исто така, може да го забрзаат растот на ноктите. И пренаталните витамини можат да го забрзаат нивниот раст.

Дури и пред да го направите тестот за бременост, вашите гради почнаа да се менуваат за да се подготват за хранење на вашето бебе. Веројатно чувствувавте болка, и додека вашите млечни жлезди се полнат со млеко, тие ќе станат поголеми. Ако не можевте порано, сега можете слободно да уживате во маици или фустани со длабоко деколте.

Кај некои идни мајки, зголемениот волумен на крв (речиси двапати) предизвикува црвенило на образите, што значи дека нема да ви треба руменило. Лојните жлезди, исто така, премногу работат, така што ви го даваат тој познат сјај на бременоста.

Вистина е дека некои бремени жени добиваат акни, но кај некои хормоните ја чистат кожата.

Мозокот се менува за време на бременоста, но не на полошо. Имено, станувате почувствителни кон потребите на вашето бебе и побрзо ќе ги препознаете откако ќе се роди.

За многу мајки, омилен дел од бременоста е фактот дека тие веќе немаат менструација. Нема влошки и тампони, нема проблем!

Многу жени стануваат почувствителни за време на бременоста и резултатот е подобри оргазми.

Движењата на бебето во стомакот се омилениот дел на многу идни мајки. И секој пат кога бебето се движи во матката, вашиот пулс се забрзува што ви помага да се поврзете подобро со бебето.