По 14 абортуси стана мајка: Поранешната Мис на Светот роди близнаци!

По дури 14 абортуси, многу денови поминати во солзи и тага, 36 годишната манекенка Росана Дејвисон и нејзиниот сопруг добија близнаци.

 

Поранешната Мис на светот вчера сподели фотографија од нејзиниот болнички кревет со сопругот Вес Квирк, на која таа држи две бебиња.

 

Животната приказна на Ирската убавица е тажна, а со неа ќе сочувствува секоја мајка.

Росана која денеска е мајка на ќерката Софија и близнаците Хуго и Оскар, неколку пати оворено зборуваше за својата болка, и откри дека патот до нејзините деца не бил ни малку лесен.

 

 

Манекенката имала 14 абортуси, и открила дека има проблеми со плодноста, па поради тоа се решиле по пат на сурогат мајка, да ја добијат првата ќерка Софија.

Докторите ја убедувале Росана дека можеби никогаш нема да остане бремена и да роди дете но сепак чуда се случуваат.

 

 

– Се боревме со четиринаесет абортуси во последните неколку години пред конечно да ја пречекаме Софија со помош на сурогат мајка. Ми рекоа дека веројатно никогаш нема да можам да го носам сопственото бебе поради сомневање за дисфункција на имунолошкиот систем, што бројни медицински третмани не успеаја да го поправат – рече моделот.

 

Убавата вест за раѓањето на нејзините близначиња Росана вчера ја сподели на својот Инстаграм профил.

 

 

Таа сподели фотографија со близнаците и нејзиниот сопруг од породилиштето и напиша:

– Нашите убави и здрави идентични близнаци, Хуго и Оскар, пристигнаа здрави утрово и нашите срца се распаѓаат од љубов. Така е, после долги години станавме петчлено семејство и сите наши соништа се остварија – напиша Розана.

 

 

Преку порака на социјалните мрежи таа на своите следбеници им порача никогаш да не губат надеж и дека чудата се случуваат.