Потрошила 186.000 евра за да изгледа како Барбика: На себе променила апсолутно се но тука не застанува!

Австралијката Тара Џејн- Меконаки сама себе се прогласи за жива барбика откако направи бројни корекции на себе.

Имено 33 годишната Тара градите ги зголемила пет пати, носот го оперирала шест пати, а не треба да се занемарат повеќекратните дози на ботокс и филери.

Нејзиниот тен е резултат на претераните посети на солариум, кој и дава „бронзен“ ефект.

Австралијката целосно го трансформираше својот физички изглед до непрепознатливост а за тоа до сега потрошила околу 185.811 евра. Таа промени сè на себе, дури и повеќе од еднаш.

На улиците во Мелбурн не може а да не биде забележана додека гордо се шета наоколу, фалејќи се со својот изглед. Тара (33) е здравствена работничка.

Документарната серија „Mirror Mirror“, која ги следеше Австралијците опседнати со естетски корекции посвети емисија на Тара, каде што таа се опиша себеси како „надградена кукла Барби во ограничено издание“.

Нејзината желба за постојана промена без оглед на значителниот број операции, не стивнува, всушност, секој пат расте.

– Моментално веќе имам силиконски импланти на моите гради и едноставно не сум задоволна од нив – рекла еднаш, кога забележала блага „брчка“ на кожата на градите и мисли дека овој проблем би го решила со импланти кои ќе ја наполнат таа кожа.

Докторите кои и кажале дека нејзините 45 килограми се премалку за поставување поголеми импланти ја разочарале.

Но и покрај опасноста по нејзиното здравје, Тара тврди дека ништо нема да ја спречи на патот кон постигнување на посакуваниот изглед.

– За мене нема граници кога се работи за пластична хирургија. Тоа е неверојатна зависност и веќе сакам поголеми гради. Штом можам, планирам да го посетам мојот хирург и да ја зголемам големината на моите гради од сегашните 1050 кубика на 1500 кубика – истакна австралиската Барбика.

– Пластичната хирургија е она што ме прави среќна. Тоа ми дава самодоверба да бидам најдобрата верзија од себе – истакна Тара.