Познатиот пар позираше со ќерката: По 100 дена во болница, нашето девојче конечно стигна дома

Во средината на јануари, музичарот Ник Џонас и актерката и поранешна Мис на светот Пријанка Чопра го добија своето прво дете.

Ќерката на Малта Мари е родена од сурогат мајка, а Пријанка на Инстаграм објави дека девојчето конечно пристигнало во нивниот дом.

Таа објави фотографија на која позира со сопругот и ќерката.

– На овој ден на мајката не можеме а да не се навратиме на последните неколку месеци во кои јас и мојот сопруг ги доживеавме сите можни чувства, од неизмерна среќа до голема грижа. Оваа фотографија ја споделуваме со многу луѓе кои сега минуваат низ слично искуство, започна објавата.

Имено, малата Малта поминала 100 дена во болница и сега конечно стигнала дома.

– По 100 дена во болница, нашето девојче конечно е дома. Патувањето на секое семејство е единствено и бара одредено ниво на верба, и додека нашето патување во изминатите неколку месеци беше предизвик, она што станува сосема јасно е колку е скапоцен и совршен секој момент. Пресреќни сме што нашето девојче конечно е дома, напиша Пријанка.

Тие им се заблагодарија на персоналот на породилната болница Rady Children’s La Jolla и Cedar Sinai во Лос Анџелес каде нивната ќерка лежеше три месеци.

За потсетување, познатата актерка и поранешна Мис на светот Пријанка Чопра се омажи за 10 години помладиот пејач Ник Џонас на 1 декември 2018 година.

Двојката имаше две свадби и неколку свадбени приеми, а невестата смени неколку венчаници и секој пат нѐ импресионираше со убавите креации.

Но и нејзиниот најубав ден во животот не можеше да помине без некој да ја критикува на социјалните мрежи.

Нивната традиционална венчавка ја следеше цел свет, но повторно беа критикувани од јавноста. Но во центарот на вниманието ги стави организацијата за заштита на животните Пета, која го обвини познатиот пар за злоставување на животни. Имено, во согласност со традиционалните индиски обичаи, Ник дојде по својата невеста на накитен слон, што ги разлути љубителите на животните.

„Ви честитаме на среќниот ден, но жалиме што не беше среќен и за животните. Слоновите кои се изнајмуваат за свадба живеат во синџири, а коњите се воспитуваат со камшици”- им порачаа од познатото здружение „Пета“.

Актерката која стана Мис на светот во 2000 година и поранешниот пејач од бендот „Jonas Brothers”, само сакаа нивната свадба да има нешто заедничко со Хинду и христијанската култура, но очигледно тоа не наиде на одобрување кај голем број љубители на животни.