Ова е единствената пејачка која била исфрлена од свадбата на Карлеуша и Душко- Испливаа детали кои долги години се криеја од јавноста

Јелена Карлеуша и Душко Тошиќ го кажаа судбоносното да пред околу петнаесетина години а за нивната венчавка долго се раскажуваше во локалните и регионалните медиуми, но некои детали од тој настан дури сега се појавуваат.

Имено, неодамна се појави едно интервју на Јелена од 2008 година, не многу долго по самата венчавка, кое таа го даде за „Свет“ во тоа време, во кое открила и некои интересни работи од таа забава и открила дека една нејзина колешка доживеала вистинска непријатност.

Свадбата на Јелена Карлеуша и Душко Тошиќ се случи со инцидент кога обезбедувањето не сакаше да пушти една од гостите, а тоа беше колешката на Јелена, Стојанка Новаковиќ- Стоја.

Во интервјуто таа раскажа дека дошло до недоразбирање што довело до непријатност за Стоја и дека таа за малку ќе се налутела и ќе заминела дома.

– Благодарение на совршено организираното обезбедување, кое ги проверуваше гостите, никој што не беше поканет не можеше да се приближи до комплексот Ковилова, а камоли да присуствува на свадбата. Па и направија проблем на Стоја, ни крива ни виновна, на влезот, не пуштајќи ја. Се искомплицира затоа што  се претстави како Стоја, додека на списокот на гости целото име и беше Стојанка Новаковиќ – раскажа Јелена.

Но, венчавката на Јелена Карлеуша и Душко Тошиќ помина успешно без скандали бидејќи таа ситуација се разреши, а двете пејачки ја продолжија дружбата долго по настанот.

Нивната љубовна приказна започна на 28 јуни 2008 година. Јелена Карлеуша тогаш беше во седмиот месец од бременоста, но во венчаницата изгледаше неодоливо.

Без ниту еден вишок килограм, со свежо исончан тен по одморот во Турција Карлеуша изгледаше боженствено.

Со пуштена руса коса, шминка и во мини труднички фустан, поп дивата влезе во хотелот „Президент“ во Ковилово и даде сигнал дека може да започнат последните подготовки за нејзината венчавка.

Во кристалната сала на хотелот, готвачот и менаџерот го комплетираа деталниот план за изгледот на раскошната маса. Садови со мраз, круши полнети со горгонзола и јагоди со спанаќ беа увертира за гастрономска авантура со мајсторски подготвен јастог, мисирка со сос од цреша и телешко месо во егзотичен амбиент. За естетскиот сегмент на прославата беа поставени сребрени и сатенски машнички, а спектаклот го збогатија бели кутии за подароци врзани со свила, свеќници од сребро и кристали, англиски порцелан, ЛЕД екрани, сцена осветлена во стотици бои.

Јелена веќе околу пладне на денот на венчавката го прими шминкерот во претседателскиот апартман каде што престојуваше. Без многу контроверзии решија шминката да ја направат што е можно поприродна, во нежни бои. А фризурата беше како принците од цртаните, во совршена хармонија со фустан обложен со кристали „Сваровски“, тежок пет килограми и украсен со седумнаесет метри бела свила.

Ковилово таа сабота беше центарот на Србија. Воздухот мирисаше на лето, балони светкаа под рефлекторите, а хостесите, уредно држејќи списоци, ги сместуваа гостите на обележаните маси. Со звуците на песната „Pogledi u tami“, Јелена зачекори на црвениот тепих држејќи го за рака нејзиниот татко Драган. Кога се приближуваше до пистата направена во базенот, не можеше да ги сокрие солзите.
Покрај Душко стоел неговиот долгогодишен пријател Миленко Андриќ, додека кум на Јелена бил креаторот Дарко Костиќ. Младоженецот гласно и самоуверено кажа „да“.