Најубавото девојче во светот порасна во вистинска убавица – во ова издание сите ги остави без здив!

Моделот Тилан Блондо се најде во центарот на вниманието на јавноста кога се појави на Париската модна недела, – кога дојде да ја гледа модната ревија Миу Миу, додека вечерта беше главна sвезда на пистата на ревијата на брендот за долна облека Етам.

Убавата 20-годишна девојка привлече големо внимание, и тоа не изненадува, со оглед на тоа дека некогаш беше „најубавото девојче во светот“. Секогаш е интересно за публиката да види како Тилан изгледа како возрасна девојка, која поседува необична убавина и дека навистина не се променила многу.

Познатата Французинка пристигна на модната ревија Миу Миу во друштво на трендсетерката Алекс Чанг, а изгледаше тренди и урбано во црни кожени панталони и краток бел топ.

Но, таа предизвика воздишки кога се појави во секси долна облека на модната ревија Етам, покажувајќи ја својата извајана фигура, затегнати нозе и извајани стомачни мускули.

Блондо навистина изгледаше спектакуларно, со дискретна шминка и малку дива, разбушавена коса.

Да потсетиме, Тилан беше прогласена за „најубаво девојче во светот“ во 2007 година, а првата насловна ја украси кога имаше само шест години. Откако се прослави, започна своја модна линија, па денес ужива во плодовите на нејзиниот успех.

Сепак, убавата Французинка се уште работи со полна пареа, а паузите помеѓу разните снимања и модни ангажмани, со задоволство ги користи да посети некоја егзотична дестинација.

Таа е во врска со младиот француски актер Бен Атал, и за оваа романса не се знае многу, освен што двојката започна да се забавува минатата година и дека се речиси неразделни.