МОДНА КАТАСТРОФА: Еве зошто сите коментираа за Рада Манојловиќ- само таа може вака да се облече (ФОТО)

Пејачката Радмила Рада- Манојловиќ (36) се појави на модна ревија во Белград, а нејзиниот стајлинг шокираше многумина.

Имено Рада која е препознатлива по кратки фустани овој пат реши да облече панталони, но како што коментирале присутните комбинацијата за која се одлучила била модна катастрофа.

Додека на ревијата повеќето од гостите се појавиле во елегантни комбинации на облека, Рада Манојловиќ се одлучи за нешто поинаку.

Проѕирниот горен дел од латекс, панталоните од латекс и очилата за сонце беа доволни за сите присутни да зборуваат за неа.

Коментарите се ределе цела вечер па присутните, како што истакнал за српски Курир извор од ревијата, рекле: „Секаде се појавува во вакви изданија што ги носи само таа“, „златен медал за лудило“ и слично.

Рада со години е на листата на модни катастрофи, а во неколку наврати изјави дека не ја трогнуваат коментарите за нејзините стајлинзи.

Повторно е со Милан Станковиќ?!

Инаку она што е ново периодов во животот на Рада е тоа дека наводно повторно е во врска со нејзиното поранешно момче, пејачот Милан Станковиќ а по шест години ставила крај на врската со Харис.

– Иако раскина со Милан пред 10 години, Рада цело време беше блиска со него. Сè повеќе кавги и несогласувања со Харис ја наведувале да се запраша дали тој е вистинскиот маж за неа. Рада почна се почесто да разговара со Милан. Заедно почнаа да ги посетуваат манастирите и Рада сфати дека е многу помирна и посреќна со Милан бидејќи имаат ист поглед на иднината – вели извор за „Стар“ и додава:

– Таа сфати дека треба да го напушти Харис, кој стануваше се посебичен.

– Пред две недели заедно посетија црква во Белград каде разговараа со свештеникот кој им даде благослов. По нивното тајно помирување, Рада вистината им ја кажала само на својата сестра и нејзиниот татко. Нејзиниот татко беше многу среќен, секогаш велеше дека Милан е чесно момче и дека би сакал Рада да се омажи за него – вели изворот и додава:

-Харис никогаш не беше прифатен како иден зет. Не му се допадна тоа што одбил да дојде кај него во Четереже и што неговите родители постојано се мешале во нивната врска, како Рада да не е доволно добра за нив.

Како што пак неодамна објави „Свет“, Харис Берковиќ наводно се огласил пред новинарите, па се пожалил дека наводно чашата ја прелил Милан Станковиќ кој и го „испрал мозокот“ на Рада и таа повеќе внимание посветувала на поранешниот отколку на него, кој поради неа ја запоставил кариерата.

– Харис и Рада одамна не се како што треба, цело време се караа и целосно се оддалечија. Многу му пречело нејзиното дружење со Милан, не затоа што и бил поранешно момче, туку затоа што мислел дека има лошо влијание врз неа. Кога и да започнеше тема за Милан, доаѓаше до расправија и се му пречеше. Рада целосно се свртела кон религијата и го променила односот кон своето момче, бидејќи Милан и го „исперал мозокот“ – вели извор на кој Харис му се доверил и се пожалил дека Рада многу се променила.

– Ја запостави кариерата поради врската со неа и сега гледа дека згрешил, но се надеваше дека врската со Рада му е доживотна. Таа е многу променета, веќе не знае што прави и што зборува – вели извор близок на поранешната двојка, откривајќи во јавноста дека Милан Станковиќ веројатно бил една од главните причини за раскинувањето на Рада и Харис.

Рада забележала дека многу работи почнале да се земаат здраво за готово во нивната врска, дека ништо не е исто како порано, па му предложила на Харис да одморат, да се разделат и да видат дали си недостигаат и дали меѓу нив сè уште постои љубов или се е само навика.

– Забележав дека се плашам од минливост, кога нешто е толку конечно и после кое нема враќање. Би рекла и дека се плашам од непознатото, она што не можам да го видам и контролирам. Бев доста лоша во организација, можев да работам неколку ноќи по ред, а потоа да спијам исто толку, да се разбудам со мозочен удар и целосно неволна за живот. Конечно успеав да го решам тоа сега. Не знам зошто претходно не го земав животот во свои раце и зошто тоа го дозволив – изјавила пејачката.