Ирена Спасовска откри каков партнер сака – ДА МИ ДАВА ПО 100 ЕВРА ЗА МАСАЖА И ЛИЦЕТО ДА МИ БЛЕСКА

Секогаш интересна и контроверзна  за јавноста, знае како да го привлече вниманието на публиката.  Освен со богата музичка кариера, пејачката Ирена Спасовска може да се пофали и со одличен и бескрпекорен изглед.

Нејзините почетоци се заедно со Горан и Адријана Алачки. Триото кое редеше успеси во периодот од 1987 до 1994 година додека постоеше.

Настапуваа на сите фестивали и манифестации во Македонија во тој период. Беа познати по песните: „Денес свадба се прави“, „Доста ми се твоите лаги“, „Ова е приказна стара“ во која триото го придружуваше и познатиот Ферус Мустафов.

Ирена е доста активна на социјалните мрежи и скоро не поминува ден, да не сподели некаква објава.

Таа умешно и доста примамливо на свој начин го сервира нејзиното секојдневие на нејзината публика.

За да се одржи во добра форма, пејачката редовно вежба во теретана со личен тренер, внимава на изгледот, вегетаријанец е и се храни здраво.

– Мора да се следат светските трендови, ние не сме продавачки на цвеќиња, ниту продавачки во супермаркет и нормално дека од нас се очекува да има некоја попровокативна фотографија со која не само што ќе се привлече вниманието туку и ќе се истакне тоа што е убаво кај жената – истакна во едно свое интервју пејачката.

Македонската фолк пејачка Ирена Спасовска ужива во секој ден од животот, а доказ за тоа се фотографиите и видеата на нејзините социјални мрежи.

Во една од емисиите на Нешто Конкретно со Снеже Велков, Ирена говореше за вистинските партнери и за тоа каков парнтер очекува и посакува.

,,И нормално ние сме тие- жените кои имаме доста додворувачи, но ако сметам дека е тој вистинскиот, секако дека ќе му дадам знак. Па да, не сум баш многу активна на тоа поле, морам да кажам” – истакна Спасовска

 

За што точно бара кај партнерот таа јасно одговори  што би и’ годело:

-Koга имаме добар партнер, духовит партнер, значи лицето ќе ни биде весело, секогаш насмеано. И уште ако ни каже „Еве ви 100 евра, па отидете си малку на масажа.

 Да си направите една убава масажичка, едно убаво третманче, па лицето ќе ни блеска, изјавила Спасовска.

Ирена важи за голем хедонист. Па така постојано можеме да ја видиме на некое патување.

Последно, таа уживаше во македонскиот бисер – Охрид.

Фото:Ирена Спасовска/Инстаграм

Таа одмараше покрај езеро, а уживаше и во познатиот СПА  центар во еден од охридските хотели.

Фото:Ирена Спасовска/Инстаграм

Пејачката дефинитивно знае како да ужива и како да го искористи секој нов ден.

Фото:Ирена Спасовска/Инстаграм