Еве како изгледа денес Русинката на која сопругот и ги отcече двете раце со ceкира- се омажи по втор пат и чека трето дете!

Најсилните луѓе ги имаат најтешките предизвици. Доказ за тоа е Русинката Маргарита Грачева (28), чиј поранешен сопруг и ги отcече двете раце со ceкира пред четири години.

Таа сега сподели убава вест, која израдува многумина кои беа згрозени од грозоморниот чин, и на својот Инстаграм профил објави дека- го чека своето трето дете.

-Во блиска иднина ќе има уште плус еден од нас. Се надевам дека ќе бидете искрено среќни за нас – напиша Маргарита, со фотографии со новиот партнер и двата сина од првиот брак.

Таа додаде дека постои уште една причина за честитки на нивното семејство – тоа е роденденот на нејзиниот избраник Максим.

„Среќна сум за тебе. Нека биде сè во ред ”; „Маргарита, биди среќна! Прекрасни фотографии и прекрасни сте сите! ”; „Честитки! Зрачите со толку многу љубов и светлина што треба да ја споделите со светот “, се коментарите на нејзините обожаватели.

За потсетување, Маргарита се омажи за Максим во 2019 година. Свадбената церемонија се одржа во тајност, а една година подоцна открија дека се во брак.

„Потпишавме договор во матичната служба во Санкт Петербург. Тоа беше само наш ден, го поминавме заедно. Без бучна забава и публицитет, но со многу среќна – ги сподели спомените за Маргарита, која денес е успешна ТВ-водителка.

Имено таа денес им помага на другите жртви на злоупотреба со својата емисија.

До пред неколку години, Маргарита можеше само да сонува за таков среќен пресврт на судбината.

Во 2017 година стана жртва на ужасниот настан од нејзиниот прв сопруг Дмитриј. Овој монструм ја однел во шумата и од љубомора и ги отсекол двете раце, а потоа ја однел во болница за да ја ублажи казната во иднина. И покрај фактот дека сите ужаси завршија, Маргарита сè уште се плаши од одмазда.

„Се плашам дека ќе излезе од затвор и ќе ме убие“, рече таа.

Потсетувајќи се на страшниот настан, таа исто така сведочеше дека Дмитриј, кога и ги отсекол рацете, рекол „Каков адреналин!“

Овој немил настан се случи откако таа решила да се разведе од сопругот Дмитриј поради низа брачни проблеми а за малку ќе платела со живот.

Заслепен од љубомора, тој ја осакатил Маргарита и, според неа, воопшто не се покајал за стореното.

Дмитриј Грачев беше осуден на 14 години затвор.

Неколку месеци пред овој монструозен чин, Маргарита постојано ги предупредуваше властите дека нејзиниот сопруг и се заканувал со нож. За жал, тие реагираа кога веќе беше доцна. На суд беше докажано дека Дмитриј ја возел својата сопруга во изолираната шумска област во близина на нивниот дом во Санкт Петербург каде со секира и ги отсекол рацете.

Фактот што нејзините отсечени раце паднаа во снегот, и беа замрзнати им олесни на лекарите и можеа повторно да ја поврзат левата рака, иако во неа имаше мало движење. Тие не беа во можност да и ја спасат десната рака, па затоа и вградија софистицирана вештачка рака поврзана со мускулите на Маргарита, така што таа може да ја искористи за да фаќа предмети, па дури и да направи некои  моторни движења.

Откако се опорави, вети дека ќе се посвети на помош на другите жртви во нивната борба против семејното насилство во Русија.

Покрај тоа што доби нова работа и повторно се омажија, нејзините две момчиња од првиот брак, на возраст од осум и шест години, денес се среќни.