Го покажа трудничкото стомаче: Погледнете како изгледа Бојана Родиќ во седмиот месец од бременоста!

Идната мајка Бојана Родиќ која е во седмот месец од бременоста не споделува често фотографии на кои се гледа трудничкото стомаче, па сега нејзиниот избраник Мирко Шијан реши да го направи тоа и сподели фотографија на која јасно се гледа трудничкото стомаче на неговата избраничка.

Бојана на фотографијата е со голо стомаче и може да се забележи дека веќе е видно поголемо.

За потсетување, Бојана Родиќ е во емотивна врска со синот на познатата фолкерка Гоца Божиновска, Мирко Шијан, со кого го чека своето прво дете.

Таа веќе се пресели во семејната куќа во Сурчин, а од свекрвата Гоца веднаш доби совет вреден злато, а пејачката и јавно проговори за тоа.

– Никогаш немој да ми се жалиш, ти си неговата љубовница! Сега, што ќе направиш од него, таков и ќе биде твојот сопруг! Ако му попуштиш сега, заборави дека некогаш ќе имаш добар сопруг… …железото се кова додека е жешко – неодамна ја советуваше својата снаа пејачката.

За да бидат подготвени и да го пречекаат своето прво дете онака како што треба, Бојана и Мирко веќе го реновираа спратот во кој ќе живеат во вилата во Сурчин, а посебно внимание посветија на детската соба каде своето време ќе го поминува нивното мало момче.

Парот сè уште не го објавил името што ќе му го дадат на својот син но според локалните медиуми, двајцата уште на почетокот на бременоста избрале имиња за бебето.

Наводно Мирко би сакал детето да го носи името на неговиот покоен татко Зоран.

Со тоа се согласува и Гоца Божиновска на која и се допаѓа идејата нејзиниот внук да го носи името на нејзината најголема љубов.