Убавата Турчинка од „Карасевда“ и „Ќерката на Амбасадорот” ужива на егзотична дестинација- ОВА Е ВИСТИНСКИ РАЈ!

Турската актерка Неслихан Атаѓул реши да замине на заслужен одмор па деновиве ги полни батериите на Сејшелите.

Убавата Неслихан е премногу среќна што конечно е на одмор па нејзината среќа ја сподели со фановите на својот Инстаграм профил.

– Здраво, јас сум Моана! Ви испраќам поздрави од срцето на океанот, напиша Неслихан.

Нејзините обожаватели беа воодушевени од објавата.

„Убава си“, „Блескаш“, „Се гледа дека убаво си поминуваш на одмор“, се само дел од коментарите на нејзините следбеници.

Таа е на одмор со сопругот, актерот Кадир Догулу, кого имавме можност да го погледнеме во серијата „Научи ме да сакам“ и „Прашање на честа“, за чие снимање тие ја започнаа нивната љубовна врска.

Тие се венчаа во 2016 година, а интересно е тоа што на нивната свадба непоканет се појави нивниот колега Бурак Озчивит, кој со Неслихан глумеше во серија и кој и е поранешно момче.

Неслихан и Бурак тогаш важеа за најпознат пар, но откако се разделија таа го исмеа и кажа дека нема никаков актерски талент, што го растури нивниот однос.

Проблеми со здравјето!

Откако заради тешката цревна болест се онесвести на сред снимање на серијата „Ќерката на Амбасадорот“, Неслихан Атаѓул (29) засекогаш го напушти снимањето, а публиката беше загрижена за нејзиното здравје.

Шармантната турска актерка тогаш изгледаше бледо и немаше сила, па дојде до 45 килограми и изгледаше дека нејзиното закрепнување ќе трае долго.

Така и беше, но сепак, убавата актерка денес изгледа подобро и посреќно од кога било, а публиката одвај чека да ја види во некој нов проект.

Неслихан е родена во 1992 година во Истанбул во сиромашно семејство. Нејзината мајка која била домаќинка одлучила својата ќерка да ја протурка како модел, па го испратила нејзиното портфолио на разни модни агенции.

Така Неслихан до својата 14 година снимаше бројни кампањи за турските брендови, а потоа во 2006 година, дебитираше и на филмското платно во филмот „Прва љубов“ со која веднаш и стана омилена актерка на публиката.

Колку ја сака публиката можеме да заклучиме и по тоа што убавата Турчинка денес има преку 12 милиони следбеници на Инстаграм.

Инаку, познатата актерка главната улога во „Ќерката на амбасадорот“ мораше да ја напушти откако и беше дијагностициран синдром на пропустливост на цревата, па реши да се посвети на своето здравје.

„Моето тело не може ова да го поднесе, мора да се одморам“, напиша Неслихан тогаш на социјалните мрежи.

Во серијата ја замени колешката Туба Бујукустун за која сценаристите направија нов лик.