Љубовната врска со Душко ги замрси конците: Еве како Јелена Карлеуша и помогна на Софија Шашиќ кога и беше најтешко!

Пред еден месец како бомба одекна веста за наводната афера меѓу Софија Сашиќ и Душко Тошиќ.

Ќерката на Жељко Сашиќ и Соња Вуксановиќ во интервју за Story.hr ги коментираше гласините и истакна колку и е драго што Јелена Карлеуша застанала зад неа.

– Јелена со години е во блиски и пријателски односи со мене и со моето семејство, а ваквите написи и клевети не го загрозуваат тој однос. Сигурно ми е драго што и таа придонесе да се прекинат шпекулациите – изјавила Софија.

На прашањето дали има аверзија кон медиумите откако пред еден месец беше објавена веста за нејзината наводна врска со поранешниот фудбалер Душко Тошиќ, Софија спремно одговара:

– Не би генерализирала, сепак има светли примери од новинарската професија, иако дефинитивно има горчлив вкус во мојата уста. Ситуација во која не би сакал никој да се најде.

За потсетување, неодамна се појави веста дека наводно Софија и 15 години постариот Душко одржуваат тајна врска веќе неколку месеци, па дури за тоа дознала и неговата сопруга.

– Софија уште од мала е навикната на удобен живот. Сака патувања, брендирана облека, оди на популарни места и иако е многу млада, живее на висока нога. Сите момци досега биле ситуирани и и обезбедиле животот каков што сака – рекол изворот за „Ало!“ на самиот почеток и открил како настанала емотивната врска меѓу Душко и Софија.

Мајката на Софија, Соња долги години е пријателка со сопругата на Душко. Тие двајца во неколку наврати се најдоа во исто друштво и потоа си се допаднаа. Секако, Софија знаела дека тој е оженет, па не сакала лесно да влегува во врска со него. Душко е 15 години постар, оженет, има две деца… – вели изворот.

– Сепак, тој и тврдеше дека бракот му е на стаклени нозе, ја опсипал со внимание и таа решила да му даде шанса. И двајцата многу патуваат, па контактите најчесто ги одржуваат во странство каде не мора да се кријат таму. Заедно се неколку месеци, нивните најблиски пријатели се запознаени со целата ситуација и им помагаат да се гледаат што почесто, без да предизвикаат сомнеж. Најчесто се во некој од неговите станови – објаснил соговорникот, и открил дека сопругата на Душко дознала за оваа афера.

– Неговата сопруга дознала дека Душко и Софија се во шема. Веднаш ја избриша од Инстаграм својата поранешна пријателка Соња и го прекина секој контакт со неа – заклучи соговорникот.

Инаку, Софија, како и нејзината мајка Соња, продава облека, а има и свој бренд. Таа е многу популарна на социјалните мрежи и често објавува фотографии од егзотични дестинации, што ги гледаат 130.000 луѓе кои ја следат на Инстаграм.

Потоа се огласи и Карлеуша која рече дека е шокирана од тврдењата дека нејзиниот сопруг бил во тајна врска со Софија:

– Секако, апсолутна лага е дека Душко е во каква било врска со малата Софија Сашиќ, која многу добро ја познавам, имам одличен однос со неа, нејзината мајка Соња, таткото Жељко и овие болни гадости, без никакви докази, многу ги повредија сите – напиша поп дивата на својот Инстаграм.