Млада самохрана мајка „скокна во тавче“ со 33 години постар милионер и сега има 11 деца

Кристина Остурк, заедно со својот сопруг милионер Галип Остурк живее во приморското гратче Батуми во Грузија.

Нејзиниот сопруг е сопственик на луксузен хотел, а станаа познати во целиот свет заради нивното семејство.

Имено, во Грузија сурогат мајчинството е легално, па благодарение на тоа овој пар веќе има десет заеднички деца и во иднина планираат да го зголемат бројот на членовите на нивното семејство. Сите потенцијални кандидатки за сурогат мајки пред да забременат со генетски материјал кој потекнува од овој пар, мораат да поминат низ посебен процес кој вклучува советување, потоа да потпишат разни правни документи кои се однесуваат на децата, пишува 24сата.хр.

Младата мајка, која по потекло е од Москва, Русија, била самохрана мајка кога решила малку да здивне и отпатувала до суптропскиот рај кој го викаат „Лас Вегас на Црното море“. Таа вели дека таму и се случила љубов на прв поглед, кога прв пат го сретнала и запознала Галип, а денес го опишува како свој ментор, водич и принц од бајките.

„Со неа да се биде е толку лесно, секогаш има насмевка на лицето, а истовремено е и срамежлив и таинствена. Таа е сопруга каква што отсекогаш сум посакувал, небрусен дијамант со исто и добро срце“, ја опишува милионерот својата жена за британскиот Мирор.

И по првиот состанок нивната врска брзо напредуваа. Кристина со себе ја земала ќерката Вика и се преселила.

Таа вели дека и покрај тоа што Галип е многу постар од неа, немал забелешка за големо семејство, иако веќе имал свои возрасни деца. Парот исто така се согласил дека сакаат повеќе деца, но беа и амбициозни и набргу сфатиле дека нејзината репродуктивна способност не е доволна да ги задоволи нивните желби.

Затоа се одлучиле на сурогат мајчинство, што во Грузија чини околу 8000 евра по бременост.

„Во моментов имам 10 деца и најновото бебе Оливија, која ни стигна при крајот на минатиот месец. Својата најстара ќерка Вики ја родив пред шест години. Останатите деца генетски се наши, мои и на сопругот, но ги носеа сурогат мајки“.

Не знам колку ќе не има на крај, но сигурно не планираме да застанеме на 10. Едноставно не сме подготвени да разговараме за конечниот број, се во свое време, заклучи таа.

Парот избира само млади жени кои веќе раѓале и немаат никаков порок. Само еднаш со една сурогат мајка имале проблем која не сакала да се одвои од бебето, но заради правните процедури немала никакви права и на крај мораше да им го предаде бебето.

Во Грузија сурогат мајчинството е дозволено од 1997 година, но само за хетеросексуални парови кои се во брак.

Кристина иако се уште добива деца од сурогат мајки, таа не ја исклучува можноста и повторно да роди свое дете.

Но како што вели таа, во моментов тоа не е практично и вештачкото оплодување за неа е големо физичко олеснување.

Таа вели дека цело време е со своите деца и дека луѓето мислат дека има многу дадилки, но таа најмногу се грижи за нив.