Пријовиќ ја надмина Лепа Брена, заработува многу повеќе од неа! Еве колку пари зема само годинава

Пејачката Александра Пријовиќ во моментот важи за една од најбараните и најпопуларните пејачки во регионот.

Имено сега во медиумите почна да се шушка и дека Прија ја престигна колешката Лепа Брена кога е во прашање заработката, со оглед на тоа што од почетокот на годината заработила три пати повеќе пари од неа.

Александра Пријовиќ од почетокот на 2022 година има 50 настапи, а само од гледање на песните кои ги има на Јутјуб и биле исплатени пари со кои може да купи стан во Белград. Од друга страна, Брена има само неколку прегледи за песните кои пред подолго време се објавени на овој канал.

– Прија годинава влезе работејќи, цело лето резервираше тезги и настапи, а до крајот на годината ја чекаат десетици настапи. Досега имаше околу 50 прослави и на сите тезги имаше добри хонорари за неа, а добро заработи и од прегледите на YouTube. Брена, пак, имаше малку настапи, повеќе патуваше и трошеше пари, а немаше приходи од прегледи на YouTube. Само неколку нејзини песни добија многу прегледи, другите не поминаа најдобро, па Брена почна да ги прикачува сите извештаи, интервјуа и сцени од филмовите во кои глумеше како млада за да ја зголеми гледаноста на самиот канал – открива добро информиран соговорник на српски Телеграф.

– Прија досега ја заработи сумата што некои пејачи ја постигнуваат за пет или повеќе години. Откако објави нови песни, таа има уште повеќе ангажмани, за разлика од Лепа Брена која се одмараше на море – додаде соговорникот.

Памено инвестираат…

Имотната состојба на Лепа Брена, се уште е мистерија за јавноста и многу луѓе незнаат што се поседува таа.

Имено освен што е пејачка Брена има и други бизниси. Таа сега им испрати порака на оние кои се обидуваат да соберат колку пари има на сметка.

Брена и нејзиниот сопруг Слободан Боба Живојиновиќ неодамна објавија дека планираат да инвестираат во изградба на комплекс на Златибор, а често се шпекулира и за други нивни деловни потфати.

Медиумите пишуваат колку пари има пејачката на сметката, а таа вели дека не обрнува внимание на тие информации:

– Да размислував за тоа во последните 40 години, ќе завршев на клиника за ментално изненадени луѓе. Им дозволувате на медиумите да допрат до вашиот џеб до одредени граници. Но, тие не можат ни сами да го состават тоа, па го гледам како еден вид забава за нив – открила Брена.

Пејачката најави и дека во наредниот период нејзиното богатство ќе се умножи уште повеќе поради бизнисот што го започнува и дека дури тогаш е подготвена за се што ќе се пишува.

– Понатаму нема да можат да го соберат целото богатство!. Многу се работи и се инвестира паметно. Нашите деца пораснаа, тие сега се мажи кои се занимаваат и со бизнис, и јас сум исклучително горда на тоа – рече таа.

Од заработените пари брачната двојка со години инвестирала, меѓу другото, и во недвижнини, па изградиле вистинска империја, а моментално уживаат во богатството кое го поседуваат.

Брена и Боба со синот Виктор со години живеат во луксузна куќа на Брежаниска Коса, која изгледа како бајка, но освен неа поседуваат уште неколку имоти, автомобили и луксузна јахта.

Внатрешноста на вилата изобилува со детали во нијанси на беж и златна боја, на кои може да се забележи и позлата. Во дворот има голем базен на две нивоа, кој е опкружен со зеленило.

Познатата двојка поседува стан и во Црна Гора, во една од најскапите згради во Будва, а цената на метар квадратен од „кралскиот стан“, како што го нарекуваат, изнесува дури 4.000 евра. Кога се ќе се собере, ако станот што го зеле Брена и Боба е најмалку 70 квадрати, цената не е помала од 280.000 евра, пишува „Телеграф.рс“.

Покрај станот поседуваат и јахта на која уживаат секогаш кога имаат можност.
Цената на јахтата е неверојатни 6.000.000 евра, а поголемиот дел од времето на неа го поминуваат кога се на црногорското или хрватското приморје, каде често е закотвена во зимските денови.

Боба и пејачката поседуваат и куќа во Мајами, каде сосетка им е кралицата на поп музиката Мадона. Брена призна дека неколку пати налетала на пејачката, но не разговарале.

– Ја сретнав Мадона во Монте Карло во лифтот и видов мала жена која личеше на неа. Беше со обезбедување, имаше наочари, жената тргна на џогирање. Велам „погледни ја оваа жена, таа е иста Мадона“ и на крајот сфатив дека тоа е таа – рекла тогаш Брена.

Куќата вреди повеќе од 900.000 евра, има над 400 метри квадратни и се наоѓа веднаш на самиот брег.
Пејачката и поранешниот тенисер поседуваат и стан во Монте Карло од 150 метри квадратни, во кој има голема дневна соба со две кујни, тераса, спална соба и три соби за гости. Во 2016 година го реновирале и го смениле целиот мебел. За тоа издвоиле дури 50.000 евра.

Покрај недвижен имот, брачната двојка поседува и неколку луксузни автомобили со кои често патуваат на луксузни дестинации.

Она што е познато е дека Лепа Брена и Боба Живојиновиќ наскоро ќе почнат да градат луксузен хотел на Златибор во кој ќе инвестираат околу 50 милиони евра.

Тоа го потврди и поранешниот тенисер кој рече дека планира да инвестира и во бизнисот во Мајами.
Како што дознава српски Курир, овој луксузен објект ќе се гради зад езерото, меѓу Дино паркот и студентското одморалиште. Како истакнат спортист, Боба таму во 90-тите доби парцела од два хектари.

Пазарната вредност на декарот во тој дел, како што дознаваат медиумите од трговците со недвижности, е меѓу 25.000 и 30.000 евра, па затоа неговата парцела чини околу шест милиони евра.

Брена и Боба со години имаат фирма за чистење фасади, покриви, патеки, но и патишта и вадење графити од ѕидови.

Овој бизнис парот неодамна го препушти на синот Виктор Живојиновиќ, но двајцата се уште се регистрирани како сопственици на бизнисот.

Тие поседуваат и винарија во Шидо, а планираат да инвестираат и во недвижен имот во Мајами и Малдиви.